Эм найруулагчийн тэнхим нь жил бүр хичээлийн жилийн эхэнд шинээр элсэн орсон оюутнуудаа хүлээн авч уулздаг бөгөөд энэ арга хэмжээг 2024 оны 9-р сарын 18-ны өдөр Д. Байгалмаа багштай Эм найруулагчийн 3-р дамжааны оюутнууд зохион байгуулж, 2024 – 2025 оны хичээлийн жилийн нэгдүгээр дамжааны оюутнуудаа хүлээн авч уулзлаа.
Уулзалтын үеэр тэнхимийн эрхлэгч Б. Бодьцэцэг, нэгдүгээр дамжааны анги удирдсан багш Д. Ариунаа нар сургуулийн бүтэц, үйл ажиллагааг товч танилцуулан, сургууль болон тэнхимээс зохион байгуулдаг аливаа ажилд ахлах дамжааныхантайгаа хамтран оролцох, тэднээс суралцах, бие даан суралцах, хувь хүний ур чадваруудаа хөгжүүлэхэд анхаарах, мөн мэргэжлийн тэнхим, багш нарын зөвлөгөө, удирдамж чухал байдаг талаар зөвлөж, цаашдын сурлагын их үйлсэд нь өндөр амжилт хүсэв.
Эм найруулагчийн 3-р дамжааны хамт олон шинэхэн элссэн оюутнуудтайгаа чин сэтгэлийн яриа өрнүүлж, асуултад хариулж, өөрсдөө хийсэн бэлэг дурсгалын зүйлсийг дүү нартаа бэлэглэв.