ЭМ ШИНЖИЛГЭЭНИЙ ИТГЭМЖЛЭГДСЭН ЛАБОРАТОРИ
Эм зүйн сургуулийн Эмийн хими, ургамал судлалын тэнхимийн дэргэдэх Эмийн химийн лабораторийн үйл ажиллагааг өргөжүүлэн эм зүйн сургалт, судалгаа, эм шинжилгээний чиглэлээр ажиллах зориулалттай Эм шинжилгээний лабораторийг ЭМШУИС-ийн захирлын 2003 оны 02 дугаар сарын 10-ны өдрийн А/21 тоот тушаалаар байгуулсан юм.
Тус лаборатори 18 жил үйл ажиллагаа явуулах хугацаандаа Монгол улсын итгэмжлэх тогтолцооны дагуу хими, хими-физик, физикийн аргаар сорилт туршилт явуулахаар 2004 онд анх магадлан итгэмжлэгдсэнээс хойш 2007, 2010, 2015, 2020 онд тус тус дахин магадлан итгэмжлэгдсэн.
Эм зүйн сургуулийн Эм шинжилгээний лаборатори нь MNS ISO/IEC 17025:2018 стандартын шаардлагыг хангасан, 5 удаа магадлан итгэмжлэгдсэн лаборатори юм.
Эм шинжилгээний лаборатори байгуулагдсанаасаа хойш эмийн зах зээл дэх эх орны болон импортын, мөн бүртгэлийн зарим эмийн түүхий эд, эм бэлдмэлд хими, хими-физик, физикийн аргаар шинжилгээ хийж ирсэн бол 2015 оноос эхлэн эм, эмийн түүхий эд, эмийн бэлдмэлд микробиологийн шинжилгээ хийж эхлэн, эмийн ургамал, эмийн түүхий эд, бүтээгдэхүүний бүрэн шинжилгээг хийх болсон. Эм шинжилгээний лабораторийг 2019 онд өргөтгөж багажит шинжилгээний лаборатори, химийн шинжилгээний лабораторийг байгуулж, Микробиологийн лабораторийг шинэчилж, хүний нөөцийн чадавхийг улам бэхжүүлэхэд анхааран ажилласан. Эм шинжилгээний лабораторид эм зүйн ухааны магистр, докторын зэрэгтэй, тус сургуульд 2-30 жил багшилж буй дадлага туршлагатай шинжлэгч/багш нар ажиллаж байна.
Эм шинжилгээний итгэмжлэгдсэн лабораторийн бүрэлдэхүүн
- Лабораторийн эрхлэгч: Р.Норовням, докторант
- Лабораторийн чанарын менежер: Б.Энхтуул, докторант
- Лабораторийн техникийн менежер: Д.Төртүших, Анагаах ухааны доктор (Ph.D)
- Зөвлөх шинжээч: Д.Энхжаргал, Эм зүйн ухааны доктор (Ph.D), профессор
- Зөвлөх шинжээч: Б.Баясгалан, Эм зүйн ухааны доктор (Ph.D), дэд профессор
- Зөвлөх шинжээч: Х.Даариймаа, Эм зүйн ухааны доктор (Ph.D), дэд профессор
- Микробиологич: Б.Номин
- Эм шинжлэгч: Э.Буянжаргал, ЭЗУ-ны магистр
