“PHARMACY TECHICIAN DAY” СЭДЭВТ ӨДӨРЛӨГ АМЖИЛТТАЙ БОЛЖ ӨНДӨРЛӨЛӨӨ

Дэлхийн олон улс орнуудад жил бүрийн 10 сарын 4 дэх 7 хоногийн Мягмар гаригийг “PHARMACY TECHICIAN DAY” өдөр болгон тэмдэглэдэг.

2024 оны 10 сарын 15-ны өдөр Эм найруулагч мэргэжилтэн бэлтгэх хөтөлбөрийг бусдад таниулан сурталчилах, оюутан залууст мэргэжлээрээ бахархах сэтгэгдэл төрүүлэх, оюутны олон нийтийн идэвх оролцоог нэмэгдүүлэх, авъяас чадварыг нээн хөгжүүлэх зорилгоор “PHARMACY TECHICIAN DAY” өдөрлөгийг АШУҮИС-ийн Эм зүйн сургуулийн гадаа талбайд амжилттай зохион байгуулсан.

Өдөрлөгийг ЭНТ-ийн эрхлэгч Б.Бодьцэцэг нээж үг хэллээ.

“Leader pharmacy technician” клубын зөвлөх багш, ЭНТ-ийн ахлах багш ЭЗУ-ны доктор П.Мандахнаран “Эм найруулагч мэргэжилтний тухай” танилцуулгаар асуулт хариултын Kachoot тэмцээн зохион байгуулав.

Өдөрлөгийн үеэр “Leader pharmacy technician” клубын тэргүүн, нарийн бичгийн дарга, удирдах зөвлөлийн гишүүдийг сонгов.

Мөн мэргэжил сурталчилах өртөөчилсөн танилцуулга, ЭНТ-ийн багш нарын нэрэмжит шагнал гардуулах үйл ажиллагаа болж, бүжгээр өндөрлөлөө.