“МЕНТОРШИП“ ХӨТӨЛБӨР-1 АМЖИЛТТАЙ ЗОХИОН БАЙГУУЛАГДЛАА

"Менторшип" хөтөлбөрийг Эм зүйн сургуулийн Эмийн технологийн тэнхим болон "Global pharmacist" оюутны клубын оюутнууд эм зүйн салбарын манлайлагчдаас ажил, амьдралын мэдлэг, туршлагыг хуваалцах, дагалдан суралцах зорилгын дор зохион байгуулсан билээ.

Ментор нь тухайн салбартаа арвин туршлага хуримтлуулсан, мэдлэг боловсрол өндөртэй хүн байх бөгөөд ментеедээ ажил мэргэжлийн тал дээр зөвлөгөө өгч, туршлагаас хуваалцахын зэрэгцээ дэмжлэг үзүүлдэг. Харин Менти нь тухайн хүнээс суралцаж буй нэгэн юм.

Энэхүү үйл ажиллагаанд зочин ментороор:

* АШУҮИС-ийн Эм зүйн сургуулийн багш, ЭЗУ-ны магистр Д.Буянхишиг

* АШУҮИС-ийн Эм зүйн сургуулийн 2019 оны төгсөгч, ЭМДЕГ-ын Бодлого төлөвлөлтийн газрын мэргэжилтэн Г.Лхагвасүрэн нар хүрэлцэн ирж, өөрсдийн туршлагаас хуваалцлаа.