“ӨВЧНИЙ ТОХИОЛДОЛД СУУРИЛСАН ЭМНЭЛЗҮЙН ЭМ ЗҮЙН ТУСЛАМЖ” ХЭЛЭЛЦҮҮЛ АМЖИЛТТАЙ ЗОХИОН БАЙГУУЛАГДАЖ ӨНДӨРЛӨЛӨӨ.

АШУҮИС-ийн Эм зүйн сургуулийн Эмнэлзүйн эм зүй, менежментийн тэнхимээс эмнэлгийн эм зүйчдийн хамтын ажиллагааг өргөжүүлэх, өвчний ховор, хүнд тохиолдолд дүн шинжилгээ хийх ур чадварыг нэмэгдүүлэх, эмчлүүлэгч төвтэй эм зүйн тусламж үйлчилгээг сайжруулах зорилгоор  “Өвчний тохиолдолд суурилсан эмнэлзүйн эм зүй” сэдэвт  цахим хэлэлцүүлэг 2024 оны 11-р сарын 05-ны өдийн 14:00 - 15:40 цагийн хооронд цахим хэлбэрээр зохион байгуулагдаж өндөрлөлөө. Энэхүү хэлэлцүүлэгт нийт 40 орчим эрүүл мэндийн байгууллагын 70 гаруй эм зүйчид оролцож “Эмийн эмчилгээний алдаа, эмийн тунгийн тохируулга, эм эмийн харилцан үйлчлэлийн тохиолдол” сэдвийн хүрээнд мэтгэлцлээ.

Энэ удаагийн хэлэлцүүлгийг АШУҮИС-ийн ЭЭМТ-ийн багш ЭЗУ-ны доктор, профессор С.Пүрэвсүрэн,  ЭЗУ-ны магистр Б.Анхтуяа, ЭЗУ-ны магистр А.Сосорбарам нар тохиолдлын танилцуулгыг хийж, чиглүүлэн ярилцав.