ОХУ-ЫН ЭРХҮҮ ХОТЫН АУИС-ААС ЗОХИОН БАЙГУУЛСАН “TOPICAL ISSUES OF PHARMACEUTICAL AND NATURAL SCIENCES” СЭДЭВТ ОЮУТНЫ ЭРДЭМ ШИНЖИЛГЭЭНИЙ ХУРАЛ

         АШУҮИС болон ОХУ-ын Эрхүү хотын Анагаах ухааны их сургуулийн хамтын ажиллагааны гэрээний хүрээнд 2024 оны 04 сарын 19-ны өдрөөс 26-ны хооронд АШУҮИС-ийн Эм зүйн сургуулийн багш Б.Болор, Ц.Шинэцэцэг нар эм зүйн 4-р дамжааны 6 оюутан, эм найруулагчийн 3-р дамжааны 4 оюутнууд ОХУ-ын Эрхүү хотын  Анагаах ухааны их сургуульд айлчиллаа. ОХУ-ын Эрхүү хотын АУИС-аас зохион байгуулсан “Topical Issues of Pharmaceutical and Natural Sciences” сэдэвт оюутны эрдэм шинжилгээний хуралд АШУҮИС-ийн Эм зүйн сургуулийн 10 оюутан оролцож

• Эм зүйн 404-р хэсгийн оюутан М.Серикгүл “A STUDY EVALUATING PRESCRIPTION ENTRY IN SOME PUBLIC SERVICE PHARMACIES IN ULAANBAATAR” /2-р зэрэг/
• Эм зүйн 406-р хэсгийн оюутан Г.Халиун “APPROACHES TO ANTIMICROBIAL THERAPY IN PATIENTS WITH CHRONIC KIDNEY FAILURE IN THE TERTIARY HOSPITAL” /3-р зэрэг/
• Эм найруулагчийн 301-р хэсгийн оюутан Э.Нямцэцэг “GENERAL HEALTH INDICATORS OF PHARMACY TECHNICIAN STUDENT” /1-р зэрэг/ сэдэвт илтгэлүүдийг амжилттай хэлэлцүүллээ.

Мөн тус сургуулиас зохион байгуулсан “Biological Building of ISMU” олимпиадад Эм зүйн 404-р хэсгийн оюутан М.Серикгүл оролцож, багийн дүнгээр I байранд шалгарлаа. Манай сургуулийн багш оюутнууд эрдэм шинжилгээний хурал, олимпиадад амжилттай оролцохоос гадна Эрхүүгийн АУИС-ийн Эм судлалын тэнхимтэй танилцаж, Эм судлалын лекцэнд сууж, Анатомийн музей үзэж, Эм зүйн факультетийн Эмийн ургамал судлал, эмийн технологийн тэнхим, Эм зүйн эдийн засаг, менежментийн тэнхим, ур чадварын төв, улсын эмийн сангийн үйл ажиллагаатай танилцав.

АШУҮИС-ийн Эм зүйн сургуулийн багш, оюутнуудтай тус сургуулийн ерөнхий ректор Щербатых А.В, гадаад оюутан хариуцсан декан Крупская Т.С, Эм зүйн факультетийн декан Привалова Е.Г нар хүлээн авч уулзаж, хамтын ажиллагааг өргөжүүлэх талаар ярилцав. ОХУ-ын Эрхүү хотын АУИС-д оюутан суралцуулах боломжийн талаар танилцуулсан байна.

Монгол улсаас ОХУ-ын Эрхүү хотод суугаа ерөнхий консул Ж.Энхжаргал, болон Д.Чулуунбаатар нар АШУҮИС-ийн Эм зүйн сургуулийн багш, оюутнуудыг хүлээн авч уулзаж ярилцав. Багш оюутнуудын хамтаар тус хотын музей, түүхэн дурсгалт болон байгалийн үзэсгэлэнт газруудыг танилцуулах аялалд оролцож, concert of the Philharmonic Orchestra концерт үзлээ.