АШУҮИС-ИЙН ЗҮҮН ХОТХОНД ЭРҮҮЛ МЭНДИЙН ШИНЖЛЭХ УХААНЫ НОМЫН САН НЭЭЛТЭЭ ХИЙЛЭЭ.

Эрүүл мэндийн шинжлэх ухааны номын сан нь нийт 4 давхар орчин үеийн интерьерийн шийдлээр баригдсан, 3000м2 талбайтай, 2 уншлагын их танхимтай, нэг дор 480 уншигч хүлээн авах хүчин чадалтай, 100 мянга гаруй ном сурах бичгийн фондтой.

Уншлагын танхимууд нь 24 цагаар ажиллах боломжтой, дотроо уншигчийн амрах хэсэг, цайны өрөө, ариун цэврийн өрөө, хурлын танхим, мультмедиа өрөө, ном сэлбэн засах өрөө, гадаад номын уншлагын танхимд гадаад хэл суралцах өрөө, цахим номын сан, кофе шоп зэргийг цогцоор нь шийдсэнээр оюутнууд, багш, резидэнтүүд, эрдэмтэд, судлаачдын эрдэм шинжилгээ, судалгааны ажлаа хийх таатай орчин нөхцөлийг бүрдүүлсэн юм.